वीरगञ्ज । मधेश प्रदेशको एक मात्र महानगरपालिका, पर्साको वीरगञ्ज महानगरपालिकामा मेयर पदका लागि विभिन्न दल सहित १७ जनाको उम्मेदवारी दर्ता गराएका छन् । भने उपमेयरमा २ स्वतन्त्रसहित ४ जनाले उम्मेदवारी दर्ता गराएका हुन् । वीरगञ्ज महानगपालिकाको मेयर पदमा नेकपा एमालेको तर्फबाटबाट बर्तमान् मेयर बिजय कुमार सरावगीले पुन उम्मेदवारी दर्ता गराउनुभएको हो । भने जनता समाजवादी पार्टी (जसपा) को तर्फबाट नेता राजेशमान सिँहले मेयर पदमा उम्मेदवारी दर्ता गराउनुभएको हो ।
यसैगरी उपमेयर पदमा सरावगीको प्यानलबाट लोकतान्त्रिक समाजवादी पार्टी (लोसपा) बाट लोसपा पर्साका अध्यक्ष पुरुषोत्तमलाल झाले उम्मेदवारी दर्ता गराउनुभयो । भने सिंहको प्यानलबाट नेपाली कांग्रेसको तर्फबाट जिल्ला सचिव इम्तियाज आलमले उम्मेदवारी दिएका छन्। पर्साको वीरगञ्ज महानगरपालिकामा नेपाली कांग्रेस र जसपा विच एक समुह बनाएर चुनाबी तालमेल गरिएको छ । भने नेपाल कप्युनिष्ट पार्टी ( नेकपा एमाले ) र लोकतान्त्रिक समाजवादी पार्टी (लोसपा) बिच आर्को समुह बनाएर चुनाबी तालमेल भएको हो ।
जसपाका नेता सिँहको पक्षमा वीरगञ्जको आदर्शनगर रंगशालाबाट जसपाका केन्द्रिय अध्यक्ष उपेन्द्र यादव, मधेश प्रदेशका मुख्यमन्त्री लालबाबु राउत, पर्सा क्षेत्र नम्बर १ का प्रतिनीधिसभा सदस्य प्रदीप यादव लगायतको उपस्थितीमा मेयर पदमा नेता सिंहको उम्मेदवारी दर्ता गराईएको थियो । महानगरपालिकाको मेयरका लागी सरावगी, सिंह सँगै राप्रपाबाट गिरीश गिरी, नेपाल सद्भावना पार्टीबाट बिजय कुमार रौनियार, नेपाल किसान पार्टीबाट गोकर्ण प्रसाद कोइरीले पनि मेयरमा मनोनयन दर्ता गरेका छन् ।
स्वतन्त्रबाट प्रभात सिँह, जमिल राय भाठ, रिजवान अली, राजेन्द्र प्रसाद सिँह, महमद सगिर अली, फिरोज आलम, महमद रियाज उल हक, बिक्की राज पटेल, सञ्जिव कुमार यादव, कैलाश प्रसाद सर्राफ, राधेश्याम साह, राजेश सिँह, रोज मियाँ अन्सारीले मेयरमा उम्मेदवारी दर्ता गराएका छन् । वीरगञ्ज महानगरपालिकामा कुल एक लाख २४ हजार ६४७ मतदाता रहेका छन् ।
महानगरको उपमेयरमै राप्रपाका तर्फबाट बिना देवीले उम्मेदवारी दर्ता गराएकी छिन् भने लोसपाकी नेतृ रम्भा मिश्रले भने स्वतन्त्र उम्मेदवारी दिएकी छन् । एमाले र लोसपाबीच भएको चुनावी तालमेलप्रति असन्तुष्टि जनाउँदै लोसपाकी नेतृ मिश्राले स्वतन्त्र उम्मेदवारी दिएकी हुन् ।
यसैगरि पकहामैनपुर गाउँपालिकामा १ सय ६६ जनाको उम्मेदवारी दर्ता भएको निर्वाचन अधिकृत एवं उप सचिव कृष्ण प्रसाद देवकोटाले जानकारी दिए । उनका अनुसार अध्यक्षमा ९ जना, उपाध्यक्षमा ८ जनाको उम्मेदवारी दर्ता गरिएको छ भने वडाध्यक्षमा ३४ जनाको उम्मेदवारी दर्ता भएको छ भने खुल्ला सदस्यमा ६१ जनाको उम्मेदवारी दर्ता गरिएको बताए । त्यसैगरि महिला सदस्यमा २९ जनाको उम्मेदवारी दर्ता भएको छ भने दलित महिला सदस्यमा ३२ जना गरि १ सय ६६ जनाको उम्मेदवारी दर्ता भएको निर्वाचन अधिकृत देवकोटाले जानकारी दिए ।
यसैगरि पर्सागढी नगरपालिकामा १ सय ५० जनाको हाराहारीमा उम्मेदवारी दर्ता भएको छ भने अहिलेपनि उम्मेदवारी दर्ता कार्य चलि रहेको निर्वाचन अधिकृत एवं उपरजिष्टार केशव प्रसाद पौडेलले जानकारी दिए । त्यसरी नै छिपहरमाई गाउँपालिका, पोखरीया नगरपालिका, बहुदरमाई नगरपालिका, सखुवाप्रसौनी गाउँपालिका, धोबिनी गाउँपालिका, जिराभवानी गाउँपालिका, पटेर्वासुगौली गाउँपालिका, विन्दवासिनी गाउँपालिका, जगरनाथपुर गाउँपालिका लगायतका पालिकाहरुमा उम्मेदवारी दर्ताको कार्य भइरहेको बताइएको छ ।
पहिलो दिन उम्मेदवारी दर्ता गराउन नआएको उम्मेदवारहरु दोश्रो दिन ५ बजेअघि धेरै उम्मेदवारहरु निर्वाचन कार्यालय हाताभित्र प्रवेश गरिसकेको हुनाले ति सबैको उम्मेदवारी दर्ता गर्नुपर्ने भएकोले रातिको अबेरसम्म उम्मेदवारी दर्ता भइरहेको बताइएको छ ।
-1729323678.jpeg)
