वीरगन्ज । नेपाल सुनचाँदी व्यवसायी संघ कलैयाका अध्यक्ष शिवकुमार सर्राफ पनि ६० किलो सुन तस्करी प्रकरणमा संलग्न रहेको आरोपमा पक्राउ परेका छन् । भन्सार छलेर नेपाल ल्याइएको सुन अवैध रुपमा भारत पठाउने कार्यमा संलग्न रहेको भन्दै प्रहरीले सर्राफलाई बिहिवार घरैबाट पक्राउ गरी काठमान्डौं लगेको छ ।
कलैयाका व्यवसायी सर्राफ पनि पक्राउ परेसँगै वीरगन्ज, कलैया, गौर, मलगंवा, जनकपुर, लहान, इटहरी र विराटनगरसम्मका सुनचाँदी व्यवसायीहरु त्रसित भएका छन् । सरार्फलाई प्रहरीले समातेपछि यस कारोवारमा संलग्नहरुको पोल खुल्ने डरले केही सुनचाँदी कारोवारीहरु मोवाइल अफ गर्नेदेखि भारततर्फ भागिरहेको विश्वसनीय स्रोतले बताएको छ ।
विभिन्न कम्पनीको नाउँमा सुनचाँदीको कारोवार गर्र्दै आएका सर्राफले काठमाडौं न्यूरोडमा रहेका जयमातादी गोल्ड प्यालेसका संचालक पवन अग्रवाल, सिल्भर हाउसका संचालक अभिषेक सरावगी र काठमान्डौं कालिमाटीका अमित दारुका मार्फत अवैध सुनको कारोवार गर्दै आएको व्यवसायीहरु बताउँछन् । सर्राफ पक्राउ परेको खबरले पर्सा बारा लगायतका सुनचाँदी व्यवसायीमा तरङ्ग पैदा भएको छ ।
अभिषेक स्वर्ण रेफ्रेनरी कम्प्युटर प्राली, आर्दश स्वर्णकला केन्द्र, माँ बैष्णवी ज्वेलर्स, सरार्पm ज्वेलर्स उद्योग, श्री प्रभुराम ज्वेलर्स र विशाल स्वर्णकला केन्द्र, शंकर साह सोनारले सिवी ज्वेलर्स र शिवम् ज्वेलर्स, वीरगञ्जकै सन्दीप सरार्फले माँ दुर्ग ज्वेलर्स, माँ लक्ष्मी ज्वेलर्स, आर एण्ड सन्र्स र आरके बुलियन प्रालि लगायतका सुनचाँदी पसल र तिनका व्यवसायीहरुमाथि प्रहरीले निरगानी बढाएको छ ।
वीरगन्जका प्रदीप एण्ड सन्स ज्वेलर्सका संचालक रविन्द्र साह सोनार र केपी स्वर्णकला केन्द्रका संचालक कन्हैया साह सोनारको नाउँ समेत अवैध सुनको कारोवारीको लिष्ट रहेको छ । कन्हैया साह सोनार यसअघि पटक पटक प्रहरी र राजश्व अनुसन्धान कार्यालयले पक्रउ गरेर कार्वाहीमा परेका व्यवसायी हुन ।
नेपालमा हुण्डी र जाली नोटको कारोवारमा संलग्न रहदै आएका सन्तोष जैन र उनका छोराहरु सौरभ जैन तथा अंकुर जैनको नाउँ समेत सुनचाँदीको अवैध कारोवार गर्नेको सूचिमा रहेको स्रोतको भनाई छ । जैनका विरुद्ध स्थानीय प्रहरी प्रशासनमा हुण्डी र मिटरव्याजीको आरोपमा पटक पटक उजुरी पर्ने गरेको छ ।
पर्सा सुनचाँदी व्यवसायीका अध्यक्ष भूलन साह सोनार पनि प्रहरीको निगरानीमा छन् । उनीहरुको गतिविधिलाई प्रहरीले निगरानी गरीरहेको छ । भूलनले विभिन्न कम्पनीको नाउँबाट कारोवार गरेपनि उनले समेत वीरगन्जका अन्य व्यवसायीलाई सुन नदिएर भारत तर्फ तस्करी गर्ने गरेको आरोप व्यवसायीहरुले नै लगाएका छन् । सुन तस्करी प्रकरणको जालो नराम्रोसँग जेलिएको प्रहरीको भनाईलाई आधार मानेर आशंका गर्न सकिन्छ । साभार : एन्युज
-1729323678.jpeg)
